Zuhaitz eta landarediaren udal GIS inbentarioa
Bezeroak:
- Tokiko Administrazio Publikoak
- Ingurumen arloko enpresak, mantenu-zerbitzuak…
Arloak:
- Aplikazioen garapena
- Aktiboen kudeaketa, prozesuen automatizazioa…
Deskribapena:
Gureak Berdea enpresa lorezaintza-zerbitzuetan espezializatuta dago eta hainbat udali ematen die zerbitzua. Besteak beste, zuhaitzen eta hiri-landarediaren inbentarioak egiten ditu.
Berdeguneak mantentzeaz gain, lan horrek udalerrietako landare-ondareari lotutako datuen kudeaketa zorrotza, eguneratua eta eragingarria eskatzen du.
Erronka:
Tokiko administrazioetan GIS (Informazio Geografikoko Sistemak) azpiegituren erabilerak gora egin duela ikusita, Gureak Berdeak-ek bere lan-metodologia eguneratzeko beharra identifikatu zuen, datuen kudeaketa espazialaren egungo estandarretara egokituz. Horretarako, Gislani irtenbide teknologiko bat garatzeko eskatu zion, bere bezeroei zerbitzu aurreratuagoak, eraginkorragoak eta udal GIS inguruneekin bateragarriak eskaintzeko.
Soluzioa:
Udalerri-bezero baten kasu erreala oinarri hartuta garatu da proiektua, eta, horri esker, metodologia praktikoa eta emaitzetara bideratua aplikatu ahal izan da. Fase nagusiak hauek izan dira:
- Landarediaren inbentarioko datuen eredua definitzea:
Datu-egitura bateratua diseinatu zen, egungo GIS estandarren araberakoa, eta zuhaitzei eta gainerako landare-elementuei buruzko informazioa modu egituratu eta berrerabilgarrian erregistratzeko aukera ematen du. - Oraingo inbentarioaren migrazioa:
Dagoeneko udalean eskuragarri dagoen inbentarioa erabili zen abiapuntu gisa, datuak optimizatuz eta eredu berrira egokituz. - Datuak biltzeko prozedura diseinatzea:
Landa-harrapaketarako protokolo eraginkor bat ezarri zen, zehaztasuna eta homogeneotasuna ziurtatzen duten tresna mugikorrak eta mahaigaineko GIS soluzioak erabiliz. - Geografia Informazioko Sistemaren garapena:
Udaleko tokiko sistemekin eta hornitzailearen bulego-inguruneekin bateragarria zen lan-ingurune bat ezarri zen, elkarreragingarritasuna eta lankidetza-lana errazteko.
Emaitzak eta inpaktua:
Irtenbide sendoa, praktikoa eta eskalagarria da, Gureak Berdeari eta udalei zuhaitzen eta landarediaren inbentarioa modu eraginkorrean kudeatzeko aukera ematen diena.
Sistema horrek datuen elkarreragingarritasuna bermatzen du, lan-fluxuak hobetzen ditu eta udalerriko ingurumen-informazioa eguneratzea eta aztertzea errazten du.